MDR Serbja – druha snědań

Šulska kuchnja w Ralbicach poskića jutrońčku pohosćenje touristow a rady tež domoródnych. Prěni facit dojutrownu bursu radija Satkule.

Dźensa zhoniće wo tym, kak so křižerske procesiony zestajeja. A rěčne zajimawostki wokoło martrowneho tydźenja su dźensa tema našeho rěčneho kućika.

Wo pasionskich spěwarkach, kiž su ćichu sobotu spěwajo po puću, rozprawja Diana Fryčec-Grimmigowa. Měrćin Wjenk je so z fachowcomaj rozmołwjał wo tym, na čo měło so dźiwać, zo bychu tež konje přijomne jutry dožiwili.

Wčera je so na Tagesschau.de kontrowersny artikl k ličbje Serbow wozjewił, naš rańši team Jakub Wowčer a Betina Wenderothowa staj sej to dokładnišo wobhladałoj. Nimo toho mamy tež sportowe wušledki kónca tydźenja.

Je zaso pjatk, hudźbny serijal Crescendo wo najznaćišim klinkanju telefona a wědomostny serijal WWW wo kofeju was wočakujetej. A nimo toho pobychmy w Njeswačanskej młodowni.

Wo historiskich krótkofilmach, rozsudach Njebjelčanskeje gmejnskeje rady – a sće hižo raz wo pólskich jutrownych jejkach słyšeli?

Hdys a hdys tučasnje wonka sylnje za juchu smjerdźi. Ale ratarjo maja wjace dźěła, hač jenož swoje pola hnojić – wo tym dźensa zhoniće. A žiwjenje w Lejpoldźe pola Worklec so bórze na přichodny schodźenk zběhny, čehodla?

Špikowanje bě póndźelu wječor hłowna tema radija Satkule – wurězk z wusyłanja tu dźensa słyšiće. Nimo toho tež wo sorabistiskim minicertifikaće z Prahi a nowowutwarjenym Frenclec-Konjechtec statoku w Ralbicach.

Pobychmy zašły kónctydźenja na hłownej zhromadźiznje Domowiny w Budyšinje, na regionalnym finalu U20 wolejbula w Lipsku – a štó je so poprawom za Riverboat-křižerja wuzwolił?

W Radworju wotmě so wčera serbska debata k temje “Serbske šulstwo” – my běchmy pódla. Nimo toho zaběramy so z nowym spěwom Serbow w Americe.

Smy sej zhromadnje ze šulerjemi do Kačeje Korčmy dojěli. Jutry so bliža, tak zo so hižo pilnje jejka wóskuja – štóž to hišće tak derje njewobknježi, móže nětko z pomocu widejow zwučować.

Wuhódnoćimy naš wčerawši aprylski žort – za to pohladamy hišće raz do Worklec. Z nócnymi hawronami a depresijemi so dźensa tež zaběramy, runje tak kaž ze swójbnymi mjenami.