MDR Serbja – druha snědań

Předstajimy wam swójbu, kotraž chce w přichodźe dźěćom a dorosćenym poskićić, instrument nawuknyć a tež zhromadnje hudźić. Dale wobhladamy sej wšelakore sportowe družiny a kak so wone na strowotu wuskutkuja.

Dźensa zaběramy so mjez druhim z wobswětlenjom w Pančicach-Kukowje, z nowej brošurku, kiž ma dźěćom digitalny swět spřistupnić a z mjezystawom za Astrocentrum Łužica.

Što su serbske mólby hódne? Kotre wužadanja maja gmejnske rady z hospodarskimi planami? A kak bě schadźowanka lajskich dźiwadłowych skupinow? Wotmołwy słyšiće w druhej snědani.

W Choćebuzu zaběraja so tuchwilu it-fachowcy a wědomostnicy ze serbskimi žiwjenskimi rumami w digitalnym swěće. W druhej snědani zaběramy so tež z Mauricom Ravelom a z kwantowej mechaniku.

Wulosowanje Sokołskeho turněra, sadźenje njezapomničkow a bydlenje nad rěku – to su mjez druhim temy w dźensnišej druhej snědani!

Předstajimy wam nowu direktorku Wojerowskeho Lessingoweho gymnazija, kaž tež změny a nowe postajenja wot apryla. A lubowarjo hromaka smědźa so lětsa hižo zajšo na prěnju woptawansku probu wjeselić.

Zapřichodny kónc tydźenja podaja so tysacy ludźi do Lipska, zo bychu tamniše knižne wiki wopytali - tež wjacore hornjołužiske nakładnistwa tam pojědu. Wothladajo wot toho zaběramy so tež ze Srjedźnej Ameriku.

Tradicionelna póndźela z najlěpšim z njedźelnišeho – wo jutrownych wikach w Budyšinje, sportowymi wuslědkami kónca tydźenja a sadźenjom štomikow w Šunowje.

Poslednja druha snědań tydźenja tematizuje knižny wječor w Bukečanskej bibliotece, štwórtu dimensiju w serijalu WWW a nowu tačel Neila Younga w Crescendźe.

Klanki w ewangelskej serbskej drasće so dźensa tematizuja, runje tak kaž plany Serbskeho kulturneho turizma a naslědnosć – nic drastow, ale meblow!

Wulkotny wuspěch młodych wolejbulistow Wiktorije Worklecy so dźens narěči a počesći, runje tak kaž zwady wo wětrnikach a ćeže ze serbskimi mjenami.

Dźensa rěčimy wo Thespisowym centrumje NSLDź, wo njewšědnych dožiwjenjach młodostnych – wurězk z wčerawšeho wusyłanja Satkule – a Janek Wowčer nam rozkładźe, čehodla njejsu Serbja dotal w zwjazkowym sejmje zastupjeni.