Dundak – wusyłanje za dźěći (MDR Serbja)

Pod hesłom "Z prawami dźěći do přichoda kročić" so lětsa na 70. swětowym dnju dźěsća wosebje na to hlada, kotre zapisane prawa dźěći maja.

Kak tajki comic scyła nastanje a čehodla je wosebje woblubowany? To chcyše Dundak wědźeć.

Dźěćace wusyłanje 13.07.2024: Lube dźěći, we Wudworju planuja cyle nowe hrajkanišćo. Što ma projekt ze starej kobłarnju činić, kotraž je tam raz stała, to wam tule přeradźimy.

Tež dźensa hišće so hdys a hdys młodźi ludźo rozsudźa za žiwjenje w skromnosći a za puć do klóštra abo do měšnistwa. Dundak je na putnikowanju dźěći w Róžeńće młodu žonu zetkał, kotraž je sej runje tutón puć wuzwoliła.

W Holešowskej Dubrawce hotuja so na wulki konjacy turněr. Wšitko přihotować, stan twarić, pěsk hrabać, zadźěwki stajeć a wjele wjace – to steji pola Evelyn na planje. Dundak je ju wopytał.

Dźěćace wusyłanje 15.06.2024: Pětr Dźisławk wot skupiny Nowa Doba je so před něšto časom za małymi talentami rozhladował. Měješe nadawk, za Radworski experiMINT-campus hymnu abo spěw napisać. Dundak je so naprašował.

Dundak chcyše raz dokładnje wědźeć, što družka wokoło Božeho ćěła dožiwi, što wšitko k drasće słuša a kak so to z tymi włosami ma. Družce Ani a Bernadet z Nuknicy stej nam powědałoj, kak Bože ćěło za njeju wotběži.

My smy sej raz kolesowarske pruwowanje za štwórty lětnik wobhladali. Dźěći serbskeje zakładneje šule su so na tute tři dny přihotowali a sebi teoriju hižo tydźenje do toho w šuli přiswojili.

Dundak je sej na dźěćacu a młodźinsku farmu do Wojerec dojěł a so tam z Elžbjetu Hojerowej zetkał. Wona je jemu pokazała, kelko zwěrjatow su tam doma. To je jedna z temow měrcowskeho wudaća Dundaka.

Kedźbu, wuši nastajeć! Dundak je zaso po puću był a to samo, wosrjedź zymskich prózdnin. Mjez druhim je tež z medijowymi skawtami porěčał.

Tónraz zhoniće mjez druhim, kak je so we Łužicy ptači kwas woswjećił. Nimo toho porěčimy skrótka tež wo lětušim Jolka swjedźenju.

Tón króć zhoniće mjez druhim, kak so w hěće w Alpach bydli. Andrea Henichec je někotre měsacy jako pinčnica na tajkej hěće za pućowarjow dźěłała.